അനാഥാലയത്തില് ആത്മവിശ്വാസത്തിന്റെ പാഠവുമായി കലാം
വെള്ളിയാഴ്ച രാവിലെ 10.30 ഓടെയാണ് ഡോ. കലാം മുക്കം മുസ്ലിം ഓര്ഫനേജില് ഒരുക്കിയ പ്രൗഢ വേദിയിലെത്തിയത്. കുട്ടികളുടെ അടുത്തേക്ക് നടന്നടുത്ത അദ്ദേഹം കൈപിടിച്ചും കുശലം പറഞ്ഞും അവരുടെ മനസ്സില് ഇടം നേടി. പ്രിയങ്കരനായ അധ്യാപകനോടെന്ന പോലെയാണ് കുട്ടികള് അദ്ദേഹത്തോടിടപഴകിയത്. ലക്ഷ്യബോധമുണര്ത്തിയ ഇടപെടല് നിറഞ്ഞസദസ്സിനു പുളകച്ചാര്ത്തായി. അദ്ദേഹം കുട്ടികളുടെ മോഹങ്ങള് തൊട്ടുണര്ത്തിയ വേളയില് ഡോക്ടറും എന്ജിനീയറുമൊക്കെയാവാന് കൊതിക്കുന്ന ഏറെ പേര് കൈപൊക്കി. ഐ.എ.എസും ഐ.പി.എസും ലഭിക്കാനാഗ്രഹിക്കുന്നവരും സയന്റിസ്റ്റും ജേണലിസ്റ്റുമാകാന് മോഹിക്കുന്നവരും കുറവല്ല. മുന് രാഷ്ട്രപതിയുടെ പകിട്ടില്ലാത്ത പല പരാമര്ശനങ്ങളും കുട്ടികള് ഹര്ഷാരവത്തോടെയാണ് സ്വീകരിച്ചത്. നിശ്ചിത സമയമെത്തിയപ്പോള് സുരക്ഷാ ഉദ്യോഗസ്ഥര് നടത്തിയ ഇടപെടലില് ചോദ്യങ്ങളുടെ ഒഴുക്കുമുറിഞ്ഞ്. 11.45 ഓടെ അദ്ദേഹം പരിപാടി അവസാനിപ്പിച്ചുതിരിച്ചു.
മുക്കം മുസ്ലിം ഓര്ഫനേജ് രക്ഷാധികാരിയും ഖത്തര് അറ്റോര്ണി ജനറലുമായ ഡോ. വണ്ടൂര് അബൂബക്കര് അധ്യക്ഷത വഹിച്ചു. എം.എം.ഒ ജനറല് സെക്രട്ടറി വി.ഇ. മോയി ഹാജി സ്വാഗതം പറഞ്ഞു. സ്ഥാപനത്തിനിത് അഭിമാനത്തിന്റെയും അംഗീകാരത്തിന്റെയും ദിനമാണെന്ന് അദ്ദേഹം അഭിപ്രായപ്പെട്ടു. എം.എം.ഒ ട്രഷറര് വി. ഉമ്മര്കോയഹാജി നന്ദി പറഞ്ഞു.
യു.സി. രാമന് എം.എല്.എ, എ.ഇ. മൊയ്തീന് ഹാജി, സി.പി. കുഞ്ഞുമുഹമ്മദ്, ടി.കെ. പരീക്കുട്ടിഹാജി, വി. മുഹമ്മദ് മോന്ഹാജി,ഡോ. അബ്ദുല് ഗഫൂര്, ഡോ. ബദറുദ്ദീന് വണ്ടൂര്, സി. മൂസ മാസ്റ്റര് തുടങ്ങി വിവിധ തുറകളിലുള്ള ഒട്ടേറെ പേര് സംബന്ധിച്ചു.
